Home
એન્ટરટેઇનમેન્ટ
કૌન બનેગા કરોડપતિની 16મી સીઝનમાં થયો ચોંકાવનારો ફેરફાર, જો કરોડપતિ બન્યા તો એક સવાલના જવાબમાં પૈસા થશે ડબલ

કૌન બનેગા કરોડપતિની 16મી સીઝનમાં થયો ચોંકાવનારો ફેરફાર, જો કરોડપતિ બન્યા તો એક સવાલના જવાબમાં પૈસા થશે ડબલ

09:47 PM August 03, 2024 gujjunewschannel.in

Kaun Banega Crorepati 16 : અમિતાભ બચ્ચનનો શો 'કૌન બનેગા કરોડપતિ' નવી સીઝન સાથે કમબેક કરવા માટે તૈયાર છે. બિગ બીએ શોનું શૂટિંગ શરૂ કરી દીધું છે અને 'કૌન બનેગા કરોડપતિ'ની નવી સીઝન 12 ઓગસ્ટથી ટેલિકાસ્ટ થવા જઈ રહી છે. હવે શોને લઈને એક નવું અપડેટ સામે આવ્યુ છે. આ શોમાં કન્ટેસ્ટન્ટને જીતેલા પૈસા ડબલ કરવાનો મોકો મળશે. જેમાં એક સુપર સવાલનો જવાબ આપવાનો રહેશે. પરંતુ તેમાં એક ટ્વિસ્ટ પણ છે. આ સુપર સવાલ માટે કોઈ ઓપ્શન આપવામાં નહીં આવે અને તેમાં કોઈ લાઇફલાઇન પણ યુઝ નહીં કરી શકાય. કન્ટેસ્ટન્ટે પોતાની રીતે આ સવાલનો જવાબ આપવાનો રહેશે.

► KBCમાં શુંં છે જબરદસ્ત ટ્વિસ્ટ

આ વખતે KBCમાં ભાગ લેનાર સ્પર્ધકોને તેમની જીતની રકમ બમણી કરવાનો મોકો મળશે. શોમાં એક સુપર સવાલ હશે જે સ્પર્ધકોને જીતની રકમ બમણી કરવાની તક આપશે, પરંતુ તેમાં એક જબરદસ્ત ટ્વિસ્ટ પણ છે. સ્પર્ધકોને આ પ્રશ્નનો જવાબ આપવા માટે કોઈપણ પ્રકારની હેલ્પલાઈન મળશે નહીં, તેઓએ માત્ર તેમની જાણકારીના આધારે પ્રશ્નનો જવાબ આપવાનો રહેશે. શોના 4 પ્રારંભિક પ્રશ્નો પછી, સ્પર્ધકોની સામે એક સુપર પ્રશ્ન મૂકવામાં આવશે, જેનો તેમણે કોઈપણ હેલ્પલાઈન અથવા વિકલ્પ વિના જવાબ આપવાનો રહેશે. જો તેઓ આ કરવામાં સફળ થશે તો તેમને 'દોગુનાસ્ત્ર'નો ઉપયોગ કરવાની સુવર્ણ તક મળશે.

► આ રીતે રકમ બમણી થશે

‘દોગુનાસ્ત્ર’નો ઉપયોગ કરીને, સ્પર્ધકોને છઠ્ઠા પ્રશ્નથી દસમા પ્રશ્ન વચ્ચે એકવાર અમાઉન્ટ બમણી કરવાની તક મળશે. હવે જો કોઈ 10મા પ્રશ્ન માટે ‘દોગુનાસ્ત્ર’નો ઉપયોગ કરશે તો તે પ્રશ્નની રકમ બમણી થઈ જશે, પરંતુ ટ્વિસ્ટ એ છે કે, તેણે કોઈપણ હેલ્પલાઈન વિના પ્રશ્નનો જવાબ આપવાનો રહેશે. શોમાં 'દોગુનાસ્ત્ર' ઉમેરાયા બાદ દર્શકોનો ઉત્સાહ ઘણો વધી ગયો છે. આ સાથે વર્ષોથી ચાલી રહેલા આ શોમાં નવો વળાંક આવ્યો છે.